«Ժեստ» հոգեբանական կենտրոնը՝ ICAP 2026 միջազգային հոգեբանական համաժողովում
«Ժեստ» հոգեբանական կենտրոնը 2018 թվականից ի վեր հանդիսանում է աշխարհի ամենահեղինակավոր հոգեբանական գիտաժողովներից մեկի՝ ICAP (International Congress of Applied Psychology) միջազգային մասնագիտական համայնքի ակտիվ մասնակիցը։ Այս տարի ևս կենտրոնը պատվով ներկայացրեց Հայաստանը՝ հանդես գալով երկու գիտական զեկույցով և մասնակցելով մասնագիտական քննարկումների: ICAP 2026-ի հանդիսավոր բացման արարողությունը կազմակերպված էր բացառիկ բարձր մակարդակով։ Համաժողովին մասնակցում էին ավելի քան 2000 հոգեբան, գիտնական և մասնագետներ աշխարհի տասնյակ երկրներից, ինչը ևս մեկ անգամ հաստատում է ICAP-ի համաշխարհային նշանակությունը հոգեբանական գիտության զարգացման գործում։ Այս հեղինակավոր հարթակում «Ժեստ» հոգեբանական կենտրոնի հիմնադիր Մարիամ Մեհրաբյանը ներկայացրեց կենտրոնի հերթական միջազգային ձեռքբերումը՝ արժանանալով գործընկերների բարձր գնահատականին։ Համաժողովի ընթացքում մեր պատվիրակությունը մասնակցեց կլինիկական և իրավաբանական հոգեբանության փոխկապակցվածությանը նվիրված մասնագիտական քննարկումներին։ Այս ոլորտների համագործակցությունն այսօր ունի բացառիկ կարևորություն՝ հոգեկան առողջության մասնագիտական գնահատման, դատահոգեբանական փորձաքննությունների, արդարադատության համակարգում հոգեբանական գիտելիքի կիրառման, ինչպես նաև խոցելի խմբերի պաշտպանության տեսանկյունից։ Համաժողովի շրջանակներում տեղի ունեցան նաև արդյունավետ մասնագիտական հանդիպումներ աշխարհի առաջատար գիտնականների հետ։ Ավստրալիացի պրոֆեսորի և «Ժեստ» հոգեբանական կենտրոնի հիմնադիր Արկադի Մեհրաբյանի միջև ձեռք բերվեց համագործակցության նախնական պայմանավորվածություն, որի իրականացումը նախատեսվում է 2028 թվականին։ Մեր հիմնադիրները հանդիպում ունեցանք EFPA (European Federation of Psychologists’ Associations) կազմակերպության նախկին նախագահ, գերմանացի հոգեբանության պրոֆեսոր Քրիստոֆ Շտայնեբախի (Christoph Steinebach) հետ։ Արդեն ավելի քան չորս տարի շարունակվում է մեր մասնագիտական համագործակցությունը, փորձի փոխանակումն ու համատեղ քննարկումները։ Ինչպես յուրաքանչյուր տարի, այս անգամ ևս նա ընդգծեց, որ մեծ հետաքրքրությամբ սպասում է մեր նոր գաղափարներին և հետագա հանդիպումներին։ Առանձնահատուկ ջերմ էր մեր հիմնադիրների և Arthur C. Evans Jr.-ի և նրա տիկնոջ հետ ամենամյա հանդիպումը։ Դոկտոր Էվանսը 2017 թվականից հանդիսանում է Ամերիկյան հոգեբանների ասոցիացիայի (APA) գլխավոր գործադիր տնօրենը և գործադիր փոխնախագահը։ Ավելի քան հինգ տարվա ընթացքում ձևավորվել են ոչ միայն մասնագիտական, այլև անկեղծ մարդկային հարաբերություններ, որոնք շարունակում են ամրապնդվել յուրաքանչյուր հանդիպման ընթացքում։ ICAP 2026-ում ներկայացվեց նաև «Ժեստ» հոգեբանական կենտրոնի երկրորդ գիտական զեկույցը, որը ներկայացրեց կենտրոնի հիմնադիր Մարիամ Մեհրաբյանը։ Զեկույցը նվիրված էր տրավմայի հետ աշխատանքի ժամանակակից գիտական մոտեցումներին և ներկայացնում էր հայկական հոգեբանական մտքի նորարարական մշակումը՝ ԱԻԾՀ մոդելը։ Գիտական աշխատանքը մշակվել և միջազգային մասնագիտական հանրությանը ներկայացվել է Մարիամ Մեհրաբյանի և Լուսինե Գրիգորյանի համահեղինակությամբ՝ ներկայացնելով Հայաստանի մասնագիտական փորձն ու գիտական ներուժը միջազգային հարթակում։ «Ժեստ» հոգեբանական կենտրոնը շարունակում է զարգացնել գիտելիքը, ընդլայնել միջազգային մասնագիտական համագործակցությունը և ներկայացնել հայկական հոգեբանական գիտության նվաճումները՝ հանուն ավելի գիտահեն, արդյունավետ և ժամանակակից հոգեբանական պրակտիկայի։
Հետ