«Երեխայի լավագույն շահը» խորագրով հանդիպում ոլորտի մասնագետների հետ
Մայիսի 23-ին Վանաձորի համայնքապետարանում կայացավ «Երեխայի լավագույն շահը» խորագրով հանդիպում ոլորտի ներկայացուցիչների հետ։Հանդիպումը կայացավ «Արմլեգալ» կազմակերպության համահիմնադիր ՍոնաՉիլինգարյանի շնորհիվ։Ժեստ հոգեբանական կենտրոնը ներկայացնում էին կենտրոնի հիմնադիրներ Մարիամ և Արկադի Մեհրաբյանները, գործադիր տնօրեն Լուսինե Գրիգորյանը, Դեռահասության բաժնի մասնագետ Աննա Գրիգորյանը, Գյումրի/Ժեստ մասնաճյուղի կառավարիչ Տաթև Մեխակյանը, Արտաշատ/Ժեստ մասնաճյուղի կառավարիչ Մերի Պետրոսյանը, Կոտայք/Ժեստ մասնաճյուղի կառավարիչ Ալվարդ Բեգլարյանը, ինչպես նաև նորաստեղծ Վանաձոր/Ժեստ մասնաճյուղի մասնագետները։
Հանդիպման ընթացքում մասնագետները ներկայացրեցին զեկույցներ հետևյալ թեմաներով՝
Փորձաքննությունների MSAQ փաթեթ
Երեխայի հանդեպ ծնողական վերաբերմունք։ Անտեսումը՝ բռնություն:
Հոգեբանական փորձաքննության կազմակերպման առանձնահատկությունները Քրեական և Քաղաքացիական գործերի շրջանակներում:
Անչափահասների հանցավորության վիճակագրության հոգեբանական պատճառներ:
Ասոցիալ վարքի առանձնահատկությունները և դրանց դրսևորման տարբերությունները միջմշակութային առանցքում ՀՀ-ի և ՌԴ-ի օրինակով։
Հանդիպման ողջ ընթացքն անցավ բուռն քննարկումներով, արծարծվեցին ոլորտում առկա խնդիրները, ք․ Վանաձորում հատկապես դատահոգեբանական փորձաքննությունների և նեղ ոլորտի մասնագետների անհրաժեշտությունը։
Պայմանավորվածություն ձեռք բերվեց հետագա հանդիպումների և առկա քեյսերի քննարկման։
Հատուկ շնորհակալություն համայնքապետարանի խնամակալության և հոգաբարձության հանձնաժողովի քարտուղար Լեռնուհի Գևորգյանին Վանաձոր/Ժեստին նման ջերմ ընդունելության համար։
Հետ